Проф. Василе Пушкаш: Со еврото Бугарија ја надмина Романија во триесетгодишната конкуренција

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Проф. Василе Пушкаш: Со еврото Бугарија ја надмина Романија во триесетгодишната конкуренција

07 јануари 2026

• од Станча Јаќимовски

Од 1 јануари 2026 година Бугарија стана 21-ва земја членка на еврозоната, со што, според поранешниот главен преговарач на Романија со Европската унија, проф. Василе Пушкаш, доби значајна развојна предност во однос на Романија. Во интервју за агенцијата „Аџерпрес“, Пушкаш истакна дека приклучувањето кон еврозоната треба да се претвори во следниот голем национален проект на Романија.

„Лично му честитам на нашиот јужен сосед и признавам дека конкуренцијата која трае повеќе од три децении денес покажува поповолна позиција за Бугарија“, нагласи Пушкаш, потсетувајќи на долгогодишното ривалство меѓу двете земји на нивниот пат кон европската интеграција.

Тој се наврати на почетокот на 2000-тите години, кога како главен преговарач учествувал во процесот на пристапување на Романија кон ЕУ. Иако Бугарија тогаш имала поповолни услови, Романија успеала да обезбеди одобрување од Европскиот совет за потпишување на Договорот за пристапување во исто време – на 17 декември 2004 година. Двете земји заедно станаа членки на Европската унија на 1 јануари 2007 година, а понатамошниот напредок во европската интеграција, според Пушкаш, зависел главно од тоа како нивните влади ги спроведувале европските политики и законодавство.

Денес, оценува тој, разликата е очигледна. „Бугарија, како членка на еврозоната, доби дополнителен развоен поттик и стабилна потпора во рамките на Еврогрупата, додека Романија сè уште нема сигурен хоризонт кон кој би се насочиле нејзините внатрешни развојни политики“, изјави Пушкаш. Според него, ова не е драматизација, туку повик до државните институции, деловната заедница и политичките лидери сериозно да размислат за членството во еврозоната како клучен национален приоритет.

Професорот се повика и на истражувања на јавното мислење, според кои Романците – и во земјата и во дијаспората – во голем дел ја поддржуваат идејата Романија да стане дел од еврозоната. Тој нагласи дека исполнувањето на критериумите за тоа членство би значело поголема стабилност, финансиска и буџетска дисциплина, како и цврста основа за одржлив економски и социјален развој.

„На крајот би поставил едно реторичко прашање: кој не би сакал таков национален проект?“, заклучи проф. Василе Пушкаш.