621 млади од Бугарија ќе патуваат бесплатно низ Европа со воз преку DiscoverEU

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

621 млади од Бугарија ќе патуваат бесплатно низ Европа со воз преку DiscoverEU

07 јануари 2026

• од Станча Јаќимовски

Вкупно 621 млад човек од Бугарија, на возраст од 18 години, ќе добијат можност бесплатно да патуваат со воз низ Европа преку иницијативата DiscoverEU на Европската комисија. Тие се дел од над 40 илјади млади Европејци кои беа избрани во рамки на последниот круг на програмата, пренесува БГНЕС.

Есенскиот рок за аплицирање беше наменет за млади родени помеѓу 1 јануари и 31 декември 2007 година, кои доаѓаат од земјите членки на Европската Унија, како и од државите асоцирани со програмата „Еразмус+“. За оваа можност интерес покажале вкупно 246.782 кандидати од цела Европа.

Избраните учесници ќе можат да патуваат бесплатно до 30 дена во периодот од 1 март 2026 година до 31 мај 2027 година. Освен возната карта, тие ќе добијат и специјална картичка за попусти, со која ќе можат да остварат намалувања за културни настани, сместување, локален превоз и храна.

Програмата DiscoverEU е дел од „Еразмус+“ и има за цел да ја поттикне младинската мобилност, културната размена, еколошки одржливото патување и чувството на европско единство. Од нејзиното започнување во 2018 година, повеќе од 1,9 милиони млади луѓе аплицирале за учество, а доделени биле 431.931 патна карта.

Дополнително, DiscoverEU придонесува и за иницијативата „Културен компас за Европа“, преку промоција на специјални културни рути што вклучуваат европски дестинации избрани за љубителите на филмот, модата, гастрономијата и ликовната уметност.