ССМ: Работниците бараат минимална плата од 600 до 700 евра

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

ССМ: Работниците бараат минимална плата од 600 до 700 евра

14 ноември 2025

• од Станча Јаќимовски

Мнозинството работници во Македонија сметаат дека минималната плата мора значително да се зголеми и да достигне најмалку 600 евра, покажува најновата анкета на Сојузот на синдикатите на Македонија (ССМ).

Анкетата била спроведена на 11 и 12 ноември 2025 година врз репрезентативен примерок од 1.613 испитаници. Резултатите упатуваат на јасно изразено незадоволство од актуелниот износ на минималната плата:

45,2% од работниците сметаат дека минималната плата треба да биде 600 евра,
42% бараат таа да биде над 700 евра,
Само 12,8% сметаат дека плата од 500 евра е доволна.

Дополнително, огромно мнозинство – 99,5% од испитаниците – се согласуваат дека минималната плата треба да се зголеми до крајот на годината. Половина од нив (52,8%) изразиле подготвеност да учествуваат во протести доколку тоа не се случи, а 47,2% би биле подготвени и на штрајк.

Од ССМ наведуваат дека резултатите ги потврдуваат реалните потреби на работниците, а не лични желби или изолирани ставови.

„Анкетата јасно покажува дека барањето за зголемување на минималната плата не е желба на поединци, туку реална потреба на работниците во Македонија,“ порачуваат од ССМ.

Како следен чекор, синдикатот најави дека ќе ги достави резултатите од анкетата до надлежните институции со цел иницирање конкретни мерки за зголемување на минималната плата.