СДСМ бара итна објава на имињата на клиниките и докторите кои вршеле непотребни кардиохируршки операции

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ бара итна објава на имињата на клиниките и докторите кои вршеле непотребни кардиохируршки операции

14 ноември 2025

• од Станча Јаќимовски

Скандалот со наводно непотребно извршените кардиохируршки операции, кој сериозно ја вознемири јавноста, мора да добие целосна и транспарентна разврска, порачаа денеска од СДСМ. Од партијата реагираат дека министерот за здравство Фатмир Алиу веќе утврдил дека во 10 случаи имало непотребно оперирање или упатување на операција, но сѐ уште не ги соопштува имињата на болниците и докторите кои стојат зад тие интервенции.

„Ова е апсолутно недозволиво“, велат од СДСМ, додавајќи дека објаснувањето на министерот дека извештајот не бил конечен остава простор за манипулација и промена на наодите.

Од партијата прашуваат:

Дали министерот Алиу намерно ги крие информациите за да може да преговара или разговара со оние кои ги извршиле спорните операции?
Како е можно да се утврди дека операциите биле непотребни, а истовремено извештајот да не се смета за финален?

СДСМ истакнува дека во интерес на зачувување на довербата во здравствениот систем и здравствените работници, неопходно е веднаш да се објават досегашниот извештај и сите наоди од него. Од партијата бараат транспарентно да се обелоденат клиниките и сите медицински лица кои учествувале во процесот на носење одлука за операција кај пациентите за кои, според министерот, веќе е утврдено дека немало потреба од хируршка интервенција.

Според информации од Министерството за здравство, од анализираните 19 случаи, кај десет биле извршени непотребни кардиолошки интервенции во приватни болници. Работата на комисијата ќе продолжи во соработка со странски експерти кои ќе бидат вклучени во дополнителната анализа.

Претседавачот на комисијата, д-р Жарко Христовски, истакна дека со досегашните резултати ќе настапат пред меѓународната комисија која е поканета од Министерството за здравство, со цел детално да се обработат случаите каде е утврдена проблематична индикација или погрешна стратегија за лекување.