Растат трошоците за живот за 4,8%: Исхраната и транспортот најмногу го удираат џебот на граѓаните

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Растат трошоците за живот за 4,8%: Исхраната и транспортот најмногу го удираат џебот на граѓаните

09 јуни 2026

• од Темелко Тошев

Трошоците за живот во земјава продолжуваат да растат, притискајќи го семејниот буџет на граѓаните. Според најновите податоци, трошоците за живот во мај годинава, во споредба со истиот месец минатата година, бележат пораст од 4,8%, додека цените на мало во истиот период се зголемиле за 5,6%.

Инфлацијата измерена преку индексот на трошоците за живот во мај, во споредба со претходниот месец (април 2026 година), изнесува 0,6%, што покажува дека ценовниот притисок не стивнува на месечно ниво.

Што поскапе најмногу во мај?

Најголем удар врз паричниците на граѓаните во мај (во споредба со април) доаѓа од секторот транспорт и основните животни потреби.

Раст на трошоците за живот е забележан во следните групи:

Транспорт: +1,6%
Облека и обувки, исхрана и безалкохолни пијалаци: +1,0%
Рекреација, спорт и култура: +0,9%
Информации и комуникации: +0,7%
Restoranti и хотелски услуги: +0,5%
Здравство, домување, вода, струја, гас и други горива: +0,1%

Цените на мало во мај, во споредба со април, генерално пораснале за 0,8%.

Каде има благ пад и што остана непроменето?

Од друга страна, минимално олеснување е забележано кај личната нега и покуќнината. Пад на трошоците на месечно ниво има кај:

Лична нега, социјална заштита и останати стоки и услуги: -0,4%
Покуќнина, домашни апарати и редовно одржување на домот: -0,1%

Трошоците во групите за образование, осигурување и финансиски услуги, како и за алкохолни пијалаци, тутун и наркотици останаа на истото ниво како и претходниот месец.

Со оглед на тоа што храната и транспортот учествуваат со најголем процент во секојдневните трошоци, јасно е дека овој бран на поскапувања најмногу го чувствуваат семејствата со пониски и просечни приходи, чиј буџет во најголем дел оди токму за овие две ставки.