Петровска: Секое непостапување во случајот Росица мора да биде казнето!

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Петровска: Секое непостапување во случајот Росица мора да биде казнето!

18 септември 2025

• од Станча Јаќимовски

Пратеничката од СДСМ, Славјанка Петровска, со силна реакција се огласи по вчерашното свирепо убиство на 21-годишната девојка од Велес, Росица, и нејзиниот татко. Таа на социјалните мрежи објави дека трагедијата е резултат не само на насилникот кој го извршил злосторството, туку и на институциите и поединците кои одбиле да реагираат на пријавите на жртвата.

Игнорирани повици за помош

„Росица месеци барала помош. Пријавувала закани, насилство, палење на автомобил. Повторувала повици до институциите да ја заштитат. Наместо заштита добила игнорирање. Наместо санкција насилникот останал слободен. Резултатот? Убиена е Росица. Убиен е и нејзиниот татко“, напиша Петровска.

Според неа, овие трагични настани јасно укажуваат дека институциите не постапиле навреме и соодветно, оставајќи ја младата девојка без заштита.

„Виновни се и оние што молчеа“

Петровска потенцира дека убиството не е изолиран случај, туку дел од повторлив образец каде што системот формално постои, но луѓето во него избираат да не постапат.

„Убиецот е тој што го изврши злосторството, но тој не е единствениот виновен. Виновни се и сите што премолчеле, одбиле да реагираат или свртеле глава. Тие се соучесници“, истакна таа.

Таа предупредува дека додека вината се префрла на „системот“ во целина, конкретни поединци во институциите ќе продолжат да убиваат со своето молчење и непостапување.

Повик за лична одговорност

Во својата објава, Петровска нагласи дека оваа трагедија мора да биде последниот аларм за промена.

„Додека вината ја префрламе на системот, поединци од системот ќе продолжат да убиваат со своето молчење и непостапување. Избираат да не помогнат. Да не заштитат. И со тоа избираат да бидат дел од проблемот“, оцени таа.

Таа порача дека солзите на Росица и нејзиниот татко ќе бидат трајно сведоштво за сите службеници кои земале плата, а не си ја извршиле должноста.

„Секое непостапување има име и презиме и мора да биде казнето. Доста е со изговори. Време е за лична одговорност“, заврши Петровска.