Независниот синдикат на полицијата утре организира протестен марш во Битола поради закани кон полицајци

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Независниот синдикат на полицијата утре организира протестен марш во Битола поради закани кон полицајци

07 февруари 2026

• од Станча Јаќимовски

Независниот синдикат на полицијата (НСП) утре во Битола ќе организира мирен протестен марш со цел да се побара еднакво и доследно спроведување на законите кон сите сторители на кривични дела, без селективен пристап. Повод за маршот се последните јавни настани и изјави во кои беа упатени сериозни закани за тепање и убивање полициски службеници.

Маршот ќе започне во 11 часот со јавен собир пред Основното јавно обвинителство во Битола, по што учесниците ќе маршираат кон хотелот „Епинал“, а протестот ќе заврши на плоштадот „Магнолија“.

Од Независниот синдикат на полицијата велат дека маршот има за цел да ја актуелизира потребата од владеење на правото и еднаков третман пред законот за сите граѓани, без разлика дали станува збор за полицајци, цивили или институции.

„Како одговорен синдикат организираме мирен марш со јасна цел – да побараме доследно и еднакво спроведување на законите кон сите извршители на кривични дела, без исклучоци и без двојни аршини. Последните настани во Битола, кога поединци јавно се закануваа дека ќе тепаат и убиваат полицајци доколку се обидат да ги спроведат законите, повторно го отворија прашањето за селективната правда и создадоа чувство на неправда кај полициските службеници“, соопштија од НСП.

Од синдикатот нагласуваат дека маршот не е насочен против ниту една етничка, социјална или друга заедница, туку претставува апел за почитување на владеењето на правото и заштита на институциите.

Како конкретни барања, НСП ќе побара еднаков третман пред законот за сите сторители на кривични дела, крај на селективната правда и определување притвор за лица кои упатуваат сериозни закани. Како пример, од синдикатот потсетуваат на случајот од пред две години во Прилеп, кога по закана кон обвинителка веднаш бил побаран и определен притвор.

Дополнително, ќе се бара итна измена на Законот за прекршоци против јавниот ред и мир, со враќање на претходната глоба од 1.000 евра за омаловажување и навреда на државни органи и полициски службеници, наместо сегашните 50, односно 150 евра.

Целта на маршот, како што истакнуваат од НСП, е и враќање на достоинството и авторитетот на полицијата.

Во меѓувреме, Независниот синдикат на полицијата поднесе кривична пријава до Основното јавно обвинителство во Битола против две лица поради сериозни закани по животот на полициски службеници. Двете лица подоцна јавно се извинија, наведувајќи дека заканите биле упатени под стрес.