Мајката на Андреј: Од тие што ги спаси, никој не ми се јави

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Мајката на Андреј: Од тие што ги спаси, никој не ми се јави – дел од него живее во тие деца

02 ноември 2025

• од Станча Јаќимовски

Поминаа неколку месеци од трагедијата во Кочани, но болката на семејството Ѓорѓиески не стивнува. Мајката на Андреј од познатото дуо „ДНК“, Анастасија Ѓорѓиески, во емотивно интервју за „Слободен печат“ се присети на кобниот ден кога нејзиниот син го загуби животот, обидувајќи се да спаси други.

Анастасија раскажа дека Андреј неколку пати се враќал во запалениот клуб за да помогне на колку што може повеќе луѓе. Со тоа, велат неговите најблиски, покажал големо срце и храброст, но токму таа хуманост го чинела живот.

„Поминаа месеци, од тие кои ги спасил мене никој не ми се јавил,“ вели со тага Анастасија. „Од една страна бев горда – спасувал животи. Од друга страна сега сум разочарана. Некој да се јавеше… Единствено ако некој се јавил кај снаа ми, ама не знам. Јас тоа го чувствувам, дел од него има кај тие деца кои ги спасил. Би сакала да знам кои се.“

Со солзи во очите, мајката додава дека иако времето минува, нејзината болка не се намалува. „Андреј беше посебен. Секој ден го чувствувам покрај себе. Ми недостига секој здив што го земаше.“

Анастасија верува дека храброста на нејзиниот син треба да остане запаметена и дека неговото дело ќе живее преку оние што ги спасил. Таа апелира луѓето кои биле дел од таа ноќ да ѝ се јават, барем да ѝ кажат едно „благодарам“, како потсетник дека неговата жртва не била залудна.