Кузеска: Кој му дал овластување на Мицкоски да преговара за мигрантите?

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Кузеска: Кој му дал овластување на Мицкоски да преговара за мигрантите?

08 декември 2025

• од Станча Јаќимовски

Портпаролката на СДСМ, Богданка Кузеска, на денешната прес-конференција остро ја обвини Владата на Христијан Мицкоски дека подготвува „антидржавна и антинародна предавничка постапка“, по пишувањата на британски The Times дека Северна Македонија е во разговори со Обединетото Кралство за прием на мигранти кои би биле вратени од британска територија.

Според Кузеска, сите деманти од Владата и од ВМРО-ДПМНЕ „паднале во вода“, откако медиумите во Велика Британија објавија дека Македонија е земја со која Лондон води преговори за воспоставување база за враќање мигранти.

„Народот е загрижен, и тоа оправдано. Криминална власт, зафатена од корупција и скандали, која секојдневно ги манипулира граѓаните, преговара зад нивниот грб за штетни договори,“ изјави Кузеска.

Сериозно државно и безбедносно прашање

Портпаролката предупреди дека ваквите преговори претставуваат сериозно национално и државно прашање, поврзано со безбедноста, стабилноста и иднината на државата.

„Дали ова е тој ‘голем економски успех’ што Мицкоски го најави во контекст на наводниот договор со Обединетото Кралство? Дали е направена безбедносна процена за внесување мигранти? Кои се ризиците? И најважно – ако Британија ги одбила, зошто ние би ги примале?“ праша Кузеска.

Таа потсети и на европските статистики за последиците од миграцијата, укажувајќи дека многу земји се соочуваат со зголемен криминал, немири и тешкотии во интеграцијата на мигрантите.

„Ако развиени земји не можат, нема да може ни Македонија“

Кузеска нагласи дека дури и економски силните држави како Шведска, Британија и Германија имаат сериозни проблеми со справување со мигрантските бранови.

„Ако тие не можат да го решат овој проблем, Македонија уште помалку може. Нашето општество нема капацитет да издржи ваков притисок. Не постои цена што треба да се плати за нешто што државата не може да го поднесе,“ рече таа.

Таа додаде дека британските национални телевизии веќе ја споменуваат Македонија како земја што би можела трајно да прими дел од мигрантите, а според неа, политиките на Мицкоски и ВМРО-ДПМНЕ ги бркаат младите од државата, додека паралелно планираат да внесат мигранти од трети земји.