Еврокомесарката Кос јасна: Уставни измени со Бугарите значат почеток на преговорите со ЕУ

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Еврокомесарката Кос јасна: Уставни измени со Бугарите значат почеток на преговорите со ЕУ

29 ноември 2025

• од Станча Јаќимовски

Еврокомесарката за проширување, Марта Кос, порача дека уставните измени се клучниот чекор што недостасува за официјален почеток на пристапните преговори на Северна Македонија со Европската Унија.

Во интервју за Euronews Bulgaria, Кос изјавила дека земјата веќе има отворени преговори за пристапување во ЕУ, но почетната фаза од формалниот процес сè уште не е комплетирана поради обврската за измена на Уставот.

„Реформите се започнати и дел од нив веќе се спроведуваат, но официјалниот процес не може да почне додека не се направат уставните измени. Штом се случи тоа, без нови услови и без одложувања, ќе можеме да ја организираме Меѓувладината конференција, што е стартната точка на пристапниот процес“, нагласила кос.

Кос додала дека заложбата за уставни промени, кои подразбираат и внесување на бугарската заедница во највисокиот правен акт, е неопходна кога се зборува конкретно за пристапните преговори и нивното отворање.

Четири држави од регионот со реални шанси за нови членки

Говорејќиопшто за расширувањето, Кос посочила дека четири држави од Западниот Балкан имаат добри можности да станат следни членки на Европската Унија.

Таа потврдила дека преговорите веќе активно се водат со Црна Гора, Албанија и Србија, кои според неа се најподготвени во овој момент, додека Босна и Херцеговина и Северна Македонија чекаат да ги завршат потребните предуслови за формален старт на процесот.

На исток, Кос го коментирала и европскиот пат на Украина и Молдавија, кои, според неа, „направиле значителни реформи и постигнале висок напредок во краток временски период“.

„Гледаме добри можности за четири земји да станат нови членки, под услов да ги исполнат реформските обврски. Источните земји, Украина и Молдавија, направија голем напредок. Од друга страна, проширувањето на Балканот е исто така приоритетен процес во ЕУ“, изјавила Кос.