Арсовска удри по Мицкоски за мигрантите: „Македонија не смее да стане пункт на туѓи мигрантски политики“

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Арсовска удри по Мицкоски за мигрантите: „Македонија не смее да стане пункт на туѓи мигрантски политики“

09 декември 2025

• од Станча Јаќимовски

Поранешната градоначалничка на Град Скопје, Данела Арсовска, повторно жестоко реагираше на социјалните мрежи, овој пат за актуелната тема поврзана со наводните преговори меѓу Македонија и Обединетото Кралство за формирање хабови за сместување илегални мигранти. Во својата објава, Арсовска директно го критикуваше лидерот на ВМРО–ДПМНЕ, Христијан Мицкоски, и ја предупреди јавноста дека државата не смее да дозволи да стане „пункт на туѓи мигрантски политики“.

„Кој има трпение, нека го изгледа целото видео! За ИДНИНАТА на Македонија,“ напиша Арсовска, додавајќи дека ниту една политичка платформа на последните избори не содржела идеја за „увоз на мигранти“.

Обвинувања за тајни договори меѓу Македонија и Британија

Арсовска тврди дека британските власти водат разговори со Македонија за отворање хабови во кои би се испраќале илегални мигранти што стигнуваат на британска територија. Како дел од пакетот, според неа, би била вклучена финансиска поддршка, инвестиции и безбедносна соработка.

Британските министри, како што наведува Арсовска, го претставуваат моделот како „нова важна иновација“, а Македонија ја гледаат како „решение“ за спречување на мигрантските банди.

Таа предупредува дека мигранти од земји со висок ризик, како Авганистан, би биле испраќани кај нас без обврска за нивно задржување или ограничено движење – што значи дека слободно би можеле да се движат низ државата. Дополнително, според информациите што ги пренесува Арсовска, тие би биле охрабрувани да бараат работа во сектори со недостиг на работна сила, како градежништвото.

45.659 нови илегални мигранти за една година во Британија

Арсовска во објавата посочува дека во последните 12 месеци во Велика Британија пристигнале над 45.659 нови илегални мигранти – бројка што, според неа, дополнително ја наметнува загриженоста за товарот што би можел да падне врз Македонија доколку вакви договори навистина постојат.

„Време е за став“

„Македонија не смее да стане пункт на туѓи мигрантски политики. Време е за поставување прашања и време е за став,“ порача Арсовска, споделувајќи видео од разговори на британските телевизии кои се однесуваат на ова прашање.

Со ова, таа уште еднаш ја заострува реториката кон ВМРО–ДПМНЕ, партија која и помогна да победи на локалните избори, но со која веќе подолго време е во отворен конфликт.