Ангелов со нов план против огновите: Пензионирани полицајци и војници ќе се вклучат во гаснењето на пожарите

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Ангелов со нов план против огновите: Пензионирани полицајци и војници ќе се вклучат во гаснењето на пожарите

09 јуни 2026

• од Темелко Тошев

Директорот на Дирекцијата за заштита и спасување (ДЗС), Стојанче Ангелов, најави нова стратегија за справување со летните пожари низ земјава. Во своето последно телевизиско гостување, тој истакна дека институцијата ќе упати апел до пензионираните полицајци и војници, како и до лицата кои по друг основ ги напуштиле МВР или Армијата, да се вклучат во противпожарните тимови.

Главната задача на овие кадри би била ракување со водните пумпи со кои се прска веќе изгорената површина, со што ќе се растоварат професионалните пожарникари.

Искусните пожарникари на првата линија, ветераните за поддршка

Според Ангелов, целта е локалните противпожарни единици да не се трошат на позиции кои можат да ги покријат и други обучени лица.

„За да немаме побарување кон локалните пожарникари, бидејќи минатото лето на таа позиција стававме искусни пожарникари, но верувам дека после интензивната обука која ќе ја направиме и по учеството во помали, понеризични пожари, тие самите ќе стекнат одлично искуство да го работат тоа“, објаснува Ангелов.

„Помогнете ѝ на татковината и заработете“

Директорот на ДЗС упати отворен повик до сите поранешни припадници на безбедносните сили кои се чувствуваат психофизички подготвени, нагласувајќи дека нивниот ангажман ќе биде соодветно платен.

Кој може да се пријави: Пензионирани и поранешни вработени во полицијата и АРМ.
Што се нуди: Интензивна обука, постепено воведување преку помали пожари и солиден финансиски надомест.
Порака од Ангелов: „Нека дојдат, нека помогнат на татковината и нека заработат некоја пара која воопшто нема да биде за потценување“.

Зголемени капацитети на терен

Ангелов уверува дека државата годинава влегува со подобри капацитети во критичниот период за пожари. Тој информираше дека во изминатите две години се набавени повеќе од 30 нови противпожарни возила, а воедно е зголемен и вкупниот број на професионални пожарникари во единиците низ Македонија.