02 ноември 2025
• од Станча Јаќимовски
Амбасадорот на Република Албанија во Македонија, Денион Мејдани, остро реагираше поради инцидентот што се случи за време на денешниот фудбалски натпревар меѓу Шкендија од Харачиново и Победа од Прилеп.
Во својата реакција, амбасадорот Мејдани јасно осуди секоја форма на говор на омраза и расна дискриминација на спортските арени, нагласувајќи дека таквите појави се недозволиви и спротивни на основните вредности што спортот треба да ги претставува.
„Амбасадата на Република Албанија во Северна Македонија најостро ја осудува секоја форма на говор на омраза и расни навреди на спортските терени,“ порача амбасадорот Мејдани.
Тој додаде дека „настаните што се случија денес во Прилеп се неприфатливи и во целосна спротивност со вредностите на почит, спортски дух и соживот, кои фудбалот треба да ги олицетвори.“
Мејдани изрази поддршка за фудбалскиот клуб Шкендија, како и за сите кои веруваат дека спортот треба да биде простор што обединува, а не што разделува.
„Го поддржуваме КФ Шкендија и сите што веруваат дека спортот треба да биде место на единство, а не на поделби,“ заврши амбасадорот на Албанија, Денион Мејдани.
Ненадминливи Понуди Дневно
4.8 (10276 рецензии)
Заштедете 152.00 ден

