Денеска се празнува Светиот апостол и евангелист Марко!

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

ДРУГО

Денеска се празнува Светиот апостол и евангелист Марко!

12 ноември 2025

• од Станча Јаќимовски

Денес православната црква го слави споменот на Светиот апостол и евангелист Марко – ученикот, сопатникот и духовниот син на светиот апостол Петар. Марко беше верен слуга на Христовото слово и еден од првите што го запишаа Евангелието, сведочејќи за животот, делата и чудата на Господ Исус Христос.

Ученик на апостолот Петар

Марко беше близок соработник на апостолот Петар, кој во своето Прво послание го нарекува „син свој“, не по тело, туку по дух. За време на престојот во Рим, христијаните го замолија Марко да ја запише Христовата наука, за да остане сведоштво за спасоносните зборови и дела на Спасителот. Така настана Евангелието според Марко – едно од четирите светии Евангелија во Новиот Завет, кое и самиот апостол Петар го потврди како вистинито.

Проповед во Египет

По заповед на Петар, Марко беше поставен за епископ и испратен да ја шири Христовата вера во Египет. Таму, каде што владееше темнината на незнабоштвото и магијата, тој со Божја сила посеа семе на верата во Либија, Амоникија и Пентапол. Воден од Светиот Дух, дојде и во Александрија, каде што ја основа првата христијанска црква во Египет. Таму постави епископ, свештеници и ѓакони, и ја утврди Црквата во благочестивата вера, потврдувајќи ја својата проповед со многубројни чуда.

Маченичка смрт

Кога незнабошците во Александрија го обвинија дека ја разорува нивната идолопоклонска вера, градоначалникот нареди да го фатат. Марко успеа да побегне во Пентапол, каде што продолжи со мисијата, но по две години се врати во Александрија. Таму го фатија, го врзаа и го влечеа по улиците, викајќи: „Да го повлечеме волот во оборот!“ Сиот ранет и искрвавен, беше фрлен во затвор, каде што му се јави Ангел Господов и го утеши. Потоа му се јави и Самиот Христос, говорејќи: „Мир на тебе, евангелисту Мој!“ На што Марко одговори: „И на тебе, Господи мој, Исусе Христе!“

Следното утро, мачителите повторно го извлекоа и го влечеа по калдрмите сè додека не го предаде духот со зборовите: „Во Твоите раце, Господи, го предавам мојот дух!“

Свети мошти и почит низ вековите

Телото на светиот Марко беше чесно погребано од христијаните, а неговите мошти низ вековите се покажаа како извор на исцеление и благодат. Денес, неговиот спомен се празнува со благодарност за жртвата и делото што го остави – сведоштво за непоколеблива вера и љубов кон Христос.